પંખીડા તું ઉડી જાજે પાવાગઢ¶
પંખીડા તું ઉડી જાજે પાવાગઢ રે મારી મહાકાળીને જઈને કહેજો ગરબે ઘૂમે રે પંખીડા.. ઓ પંખીડા, પંખીડા.. ઓ પંખીડા
ઓલ્યા ગામના સુથારી વીરા વ્હેલા આવો રે મારી મહાકાળીના કાજે રૂડા બાજઠ લાવો રે બાજઠ લાવો, સુંદર લાવો, વ્હેલા આવો રે મારી મહાકાળીને જઈને કહેજો ગરબે ઘૂમે રે પંખીડા.. ઓ પંખીડા, પંખીડા.. ઓ પંખીડા
ઓલ્યા ગામના કુંભારી વીરા વ્હેલા આવો રે મારી મહાકાળીના કાજે રૂડા ગરબા લાવો રે ગરબો લાવો, સુંદર લાવો, વ્હેલા આવો રે મારી મહાકાળીને જઈને કહેજો ગરબે ઘૂમે રે પંખીડા.. ઓ પંખીડા, પંખીડા.. ઓ પંખીડા
ઓલ્યા ગામના સોનીડા વીરા વ્હેલા આવો રે મારી મહાકાળીના કાજે રૂડી નથની લાવો રે નથની લાવો, સુંદર લાવો, વ્હેલા આવો રે મારી મહાકાળીને જઈને કહેજો ગરબે ઘૂમે રે પંખીડા.. ઓ પંખીડા, પંખીડા.. ઓ પંખીડા
ઓલ્યા ગામના ગાંધીડા વીરા વ્હેલા આવો રે મારી મહાકાળીના કાજે રૂડી ચુંદડી લાવો રે લાલ લાવો, લીલી લાવો, પીળી લાવો રે મારી મહાકાળીને જઈને કહેજો ગરબે ઘૂમે રે પંખીડા.. ઓ પંખીડા, પંખીડા.. ઓ પંખીડા
ઓલ્યા ગામના માળીડા વીરા વ્હેલા આવો રે મારી મહાકાળીના કાજે રૂડી માળા લાવો રે માળા લાવો, ગજરા લાવો, સુંદર લાવો રે મારી મહાકાળીને જઈને કહેજો ગરબે ઘૂમે રે પંખીડા.. ઓ પંખીડા, પંખીડા.. ઓ પંખીડા